Sok Seth
អាសយដ្ឋានទីស្នាក់ការអង្គភាព សារព័ត៌មាន សិទ្ធមេឌាញូស៍ (www.sethmedianews.com.kh) ស្ថិតនៅក្នុងភូមិស្រែធ្លក ឃុំរកាកោះ ស្រុកគងពិសី ខេត្តកំពង់ស្ពឺ / Phone 069 844 337 ។​ សូមអរគុណ...!
គេហទំព័រ (www.sethmedianews.com.kh) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ

Read more

សេចក្តីរាយការណ៍ព័ត៌មាន៖ ប្រជាពលរដ្ឋនៅភូមិមង្គល សម្ដែងការមិនពេញចិត្តចំពោះសកម្មភាពចាក់ដីលុបច្រាំងទន្លេ ខេត្តកណ្តាល៖ ប្រជាពលរដ្ឋដែលរស់នៅក្នុង ភូមិមង្គល ឃុំព្រែកតាទែន ស្រុកពញាឮ ខេត្តកណ្តាល កំពុងសម្តែងការព្រួយបារម្ភ និងសេចក្តីមិនពេញចិត្តយ៉ាងខ្លាំង បន្ទាប់ពីឃើញមានសកម្មភាពចាក់ដីលុបចូលផ្ទៃទឹក និងរំលោភយកច្រាំងទន្លេ ដែលជាសម្បត្តិសាធារណៈរបស់រដ្ឋនៅក្នុងមូលដ្ឋានរបស់ពួកគាត់។ តាមការលើកឡើងពីប្រជាពលរដ្ឋក្នុងតំបន់ សកម្មភាពនេះអាចបង្កឱ្យមានផលប៉ះពាល់ជាច្រើនដូចជា៖ ការបាត់បង់សោភ័ណភាពធម្មជាតិ៖ ច្រាំងទន្លេដែលធ្លាប់តែជាទីតាំងសាធារណៈ ត្រូវបានប្រែពណ៌ទៅជាគំនរដី។ ការប្រែប្រួលចរន្តទឹក៖ ការចាក់ដីលុបអាចធ្វើឱ្យចរន្តទឹកប្តូរទិសដៅ ដែលអាចបង្កឱ្យមានការបាក់ច្រាំងនៅតំបន់ក្បែរខាងផ្សេងទៀត។ ប៉ះពាល់ដល់បរិស្ថានទឹក៖ ការចាក់ដីដោយគ្មានបច្ចេកទេសត្រឹមត្រូវ អាចធ្វើឱ្យទឹកទន្លេល្អក់ និងប៉ះពាល់ដល់ជីវចម្រុះក្នុងទឹក។ សំណូមពររបស់ប្រជាពលរដ្ឋ អាស្រ័យហេតុនេះ បងប្អូនប្រជាពលរដ្ឋក្នុងភូមិមង្គល សូមគោរពស្នើសុំដល់៖ អាជ្ញាធរភូមិ-ឃុំ និងស្រុកពញាឮ៖ មេត្តាចុះពិនិត្យទីតាំងជាក់ស្តែងថាតើការចាក់ដីនោះមានច្បាប់អនុញ្ញាតត្រឹមត្រូវដែរឬទេ? មន្ទីរជំនាញពាក់ព័ន្ធ៖ មេត្តាជួយអន្តរាគមន៍ទប់ស្កាត់ ប្រសិនបើឃើញថាមានការរំលោភបំពានយកដីចំណីទន្លេខុសច្បាប់។ តម្លាភាព៖ សូមឱ្យមានការបកស្រាយឱ្យបានច្បាស់លាស់ពីម្ចាស់គម្រោង ដើម្បីជៀសវាងការយល់ច្រឡំ និងការបាត់បង់ផលប្រយោជន៍រួម។ "ពួកយើងមិនចង់ឃើញសម្បត្តិធម្មជាតិ និងច្រាំងទន្លេដែលជាមរតករបស់ភូមិយើង ត្រូវរងការបំផ្លាញដោយសារតែផលប្រយោជន៍បុគ្គលណាម្នាក់នោះទេ" — នេះជាសម្តីបញ្ជាក់របស់តំណាងពលរដ្ឋម្នាក់។ - ប្រជាពលរដ្ឋសង្ឃឹមយ៉ាងមុតមាំថា អាជ្ញាធរខេត្តកណ្តាល ជាពិសេសលោកអភិបាលនៃគណៈអភិបាល ខេត្តកណ្តាល លោក គួច ចំរើន នឹងមិនមើលរំលងបញ្ហានេះ ហើយនឹងមានចំណាត់ការឆ្លើយតបក្នុងពេលឆាប់ៗខាងមុខនេះ។ សូមអរគុណ ។ - សារព័ត៌មានយើងរង់ចាំការបកស្រាយបំភ្លឺគ្រប់គូរភាគីពាក់ព័ន្ធនៅរៀងរាល់ម៉ោងធ្វើកា សូមអរគុណ។ ដោយ គេហទំព័រ សិទ្ធិមេឌាញូស៍ ទូរសព្ទទំនាក់ទំនងលេខ ÷069844337

សេចក្តីរាយការណ៍ព័ត៌មាន៖ ប្រជាពលរដ្ឋនៅភូមិមង្គល សម្ដែងការមិនពេញចិត្តចំពោះសកម្មភាពចាក់ដីលុបច្រាំងទន្លេ ខេត្តកណ្តាល៖ ប្រជាពលរដ្ឋ…

ដោយសុខ សិទ្ធិ -

ក្រសួងមហាផ្ទៃ ជូនដំណឹងស្តីពីការដាក់ឱ្យប្រើប្រាស់ជាផ្លូវការប្រព័ន្ធទទួលពាក្យបណ្តឹងអនឡាញ ដែលចាប់ផ្តើមដំណើរការពីថ្ងៃទី១៩ ខែកុម្ភៈ ឆ្នាំ២០២៦ នេះតទៅ!

ក្រសួងមហាផ្ទៃ ជូនដំណឹងស្តីពីការដាក់ឱ្យប្រើប្រាស់ជាផ្លូវការប្រព័ន្ធទទួលពាក្យបណ្តឹងអនឡាញ ដែលចាប់ផ្តើមដំណើរការពីថ្ងៃទី១៩ ខែកុម្ភៈ …

ដោយសុខ សិទ្ធិ -

សេចក្តីប្រកាសព័ត៌មាន លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា ក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិឱ្យបានជ្រាបថា៖ នៅថ្ងៃទី២ ខែកុម្ភៈ ឆ្នាំ២០២៦ វេលាម៉ោង ១១:៥០នាទីព្រឹកនេះ ក្រុមលេខាធិការដ្ឋាននៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី៤ ភាគីកម្ពុជា និងកងទ័ពភូមិភាគទី២ ភាគីថៃ បានជួបប្រជុំគ្នានៅច្រកអន្តរជាតិជាំ-សាង៉ាំ ស្រុកអន្លង់វែង ខេត្តឧត្តរមានជ័យ ក្រោមការសង្កេតការណ៍ពីក្រុមអ្នកសង្កេតការណ៍អាស៊ាន (AOT) របស់កម្ពុជា និងថៃផងដែរ។ ក្រុមលេខាធិការរបស់កម្ពុជាដឹកនាំដោយ ឧត្តមសេនីយ៍ត្រី និត ណារ៉ុង នាយសេនាធិការរង យោធភូមិភាគទី៤ និងក្រុមលេខាធិការរបស់ថៃដឹកនាំដោយ ឧត្តមសេនីយ៍ត្រី កាំផាក់ណាក វ៉ាផាន់ស៊ុ នាយសេនាធិការ កងទ័ពភូមិភាគទី២។ សូមជម្រាបជូនផងដែរថា ដោយសារតែភាគីទាំងពីរមិនទាន់រកឃើញនូវចំណុចកណ្តាលរួមគ្នាមួយនៅឡើយ ដូច្នេះភាគីទាំងពីរបានឯកភាពគ្នាដកឃ្លាវិលត្រលប់ទៅទីបញ្ជាការរៀងខ្លួនវិញ ហើយបន្តផ្លាស់ប្តូរឯកសារ និងពិភាក្សាគ្នាឈានដល់ការឯកភាពគ្នានាពេលខាងមុខទើបមានការរៀបចំពិធីចុះហត្ថលេខា និងកិច្ចប្រជុំគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី៤ របស់កម្ពុជា និងកងទ័ពភូមិភាគទី២ របស់ថៃ ។ គួររំលឹកផងដែរថា កិច្ចប្រជុំពិសេសនៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) នេះធ្វើឡើងផ្អែកតាមស្មារតីនៃសេចក្តីប្រកាសរួម នៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ (GBC) រវាងព្រះរាជាណាចក្រកម្ពុជា និងព្រះរាជាណាចក្រថៃ កាលពីថ្ងៃទី២៧ ខែធ្នូ ឆ្នាំ២០២៥ ដែលភាគីទាំងពីរបានបញ្ជាក់សាជាថ្មី អំពីការបន្តអនុវត្តយ៉ាងម៉ឺងម៉ាត់ខ្ជាប់ខ្ជួននូវលទ្ធផលនៃកិច្ចប្រជុំពិសេសនេះឱ្យបានពេញលេញ និងប្រកបដោយប្រសិទ្ធភាព ក៏ដូចជាការបន្តកិច្ចខិតខំប្រឹងប្រែងកាត់បន្ថយភាពតានតឹងតាមបណ្តោយព្រំដែន ព្រមទាំងស្វែងរកកិច្ចសហប្រតិបត្តិការជាក់ស្តែងសំដៅលើកកម្ពស់សន្តិភាព និងស្ថិរភាពរវាងប្រទេសទាំងពីរ និងឈានដល់ការវិលត្រឡប់ទៅរកប្រក្រតីភាពឡើងវិញបានឆាប់រហ័ស។ អាស្រ័យដូចបានជម្រាបជូនខាងលើ សូមសាធារណជន អ្នកសារព័ត៌មានជាតិ និងអន្តរជាតិជ្រាបជាព័ត៌មាន៕ ថ្ងៃទី២ ខែកុម្ភៈ ឆ្នាំ២០២៦ - ខេត្តឧត្តរមានជ័យ, ព្រះរាជាណាចក្រកម្ពុជា Press Release Unofficial Translation H.E. Lieutenant General Maly Socheata, the Spokeswoman of the Ministry of National Defence of the Kingdom of Cambodia wishes to inform the public, both domestic and international media outlets, of the following: On the morning of February 2, 2026 at 11:50am, the Secretariat of the Regional Border Committee (RBC) Cambodia–Thailand, between Military Region 4 of the Cambodian side and Army Area 2 of the Thai side, has concluded a meeting at the Choam-Sa Ngam International Point of Entry, Anlong Veng District, Oddar Meanchey Province under the observation of the ASEAN Observer Team (AOT) of Cambodia and Thailand. Please note that as both parties have yet to reached common ground, both parties agreed to return to their respective headquarters to continue exchanging documents and negotiating until a consensus is reached. This will be followed by a formal signing ceremony and a meeting of the Cambodia-Thailand Military Region Border Committee (RBC), between the 4th Military Region of Cambodia and the 2nd Army Area of Thailand. This special RBC meeting was conducted in the spirit of the Joint Statement of the 3rd Special Meeting of the General Border Committee (GBC), held on December 27, 2025. Both sides reaffirmed their commitment to fully implementing the results of that meeting, while continuing efforts to reduce border tensions and seeking practical cooperation to promote regional peace, stability, and a swift return to normalcy. February 2, 2026, Oddar Meanchey, Cambodia. ____ 🌐 គេហទំព័រ ក្រសួងការពារជាតិ 🌐 ក្រសួងការពារជាតិ 🌐 TEA Seiha/ទៀ សីហា 🌐 X(Twitter): ក្រសួងការពារជាតិ 🌐 YouTube: ក្រសួងការពារជាតិ 🌐 Tiktok: ក្រសួងការពារជាតិ

សេចក្តីប្រកាសព័ត៌មាន លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា ក្រសួងការពារជាតិ …

ដោយសុខ សិទ្ធិ -

កម្ពុជា-ឡាវ ឯកភាពជំរុញកិច្ចសហប្រតិបត្តិការដឹកជញ្ជូនផលិតផលកសិកម្មពីកម្ពុជា ឆ្លងកាត់ប្រទេសឡាវ ឆ្ពោះទៅកាន់ប្រទេសទី៣ នាព្រឹកថ្ងៃទី២៦ ខែមករា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យឯកឧត្តមបណ្ឌិត Linkham Douangsavanh រដ្ឋមន្ត្រីក្រសួងកសិកម្ម និងបរិស្ថាន នៃសាធារណរដ្ឋប្រជាធិបតេយ្យប្រជាមានិតឡាវ ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ ក្នុងឱកាសនៃជំនួប, ឯកឧត្តមរដ្ឋមន្ត្រីក្រសួងកសិកម្ម និងបរិស្ថាន បានគោរពថ្លែងអំណរគុណយ៉ាងជ្រាលជ្រៅជូនចំពោះសម្ដេចបវរធិបតី ដែលបានអនុញ្ញាតឱ្យរូបឯកឧត្តម និងគណៈប្រតិភូ ចូលជួបសម្ដែងការគួរសម និងពិភាក្សាការងារ នាឱកាសនេះ។ ឯកឧត្តមរដ្ឋមន្ត្រី ក៏បានថ្លែងអំណរគុណក្រសួងកសិកម្ម រុក្ខាប្រមាញ់ និងនេសាទ កម្ពុជា ដែលបានផ្ដល់នូវការស្វាគមន៍យ៉ាងកក់ក្ដៅជូនចំពោះឯកឧត្តម និងគណៈប្រតិភូ ដែលនេះបង្ហាញអំពីការយកចិត្តទុកដាក់ខ្ពស់ចំពោះកិច្ចសហប្រតិបត្តិការកម្ពុជា-ឡាវ។ ឯកឧត្តមរដ្ឋមន្ត្រី បានគោរពជម្រាបជូនសម្ដេចបវរធិបតីថា ក្នុងរយៈពេល៧០ឆ្នាំ នៃការបង្កើតទំនាក់ទំនងការទូត កម្ពុជា-ឡាវ, កិច្ចសហប្រតិបត្តិការរវាងប្រទេសទាំងពីរមានការវិវត្តរីកចម្រើនឥតឈប់ឈរ ហើយដំណើរទស្សនកិច្ចរបស់គណៈប្រតិភូឡាវនៅកម្ពុជានាពេលនេះ ក៏ជាការចូលរួមអបអរសាទរខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតកម្ពុជា-ឡាវ ផងដែរ។ ឆ្លៀតក្នុងឱកាសនេះ, ឯកឧត្តមរដ្ឋមន្ត្រីក៏បានគូសបញ្ជាក់ជូនសម្ដេចបវរធិបតីថា ដំណើរទស្សនកិច្ចរបស់ឯកឧត្តម និងគណៈប្រតិភូ មកកាន់កម្ពុជានាឱកាសនេះ មានគោលបំណងសំខាន់ចំនួន ២ រួមមាន៖ (១) ការពិភាក្សាទៅលើការអនុវត្តនូវកិច្ចព្រមព្រៀងដែលប្រទេសទាំងពីរបានឯកភាពគ្នាកន្លងមក សំដៅជំរុញការបង្កបង្កើនផលិតផលកសិកម្ម, ការចិញ្ចឹមសត្វ, និងការអភិរក្សព្រៃឈើ និង (២) ការពិភាក្សាលើការជំរុញកិច្ចសហប្រតិបត្តិការនៅក្នុងការដឹកជញ្ជូនផលិតផលកសិកម្មពីកម្ពុជា ដោយឆ្លងកាត់ប្រទេសឡាវ ឆ្ពោះទៅកាន់ប្រទេសទី៣។ ឯកឧត្តមរដ្ឋមន្រ្តីក៏បានជម្រាបជូនសម្តេចបវរធិបតីថា ក្រសួងកសិកម្ម និងបរិស្ថានឡាវ និងក្រសួងកសិកម្ម រុក្ខាប្រមាញ់ និងនេសាទកម្ពុជា បានឯកភាពគ្នាលើកិច្ចសហប្រតិបត្តិការក្នុងការដឹកជញ្ជូនផលិតផលកសិកម្មពីកម្ពុជា ដោយឆ្លងកាត់ប្រទេសឡាវ ទៅកាន់ប្រទេសទី៣ ហើយឯកឧត្តមរដ្ឋមន្ត្រីក៏បានប្ដេជ្ញាចិត្តជំរុញកិច្ចសហប្រតិបត្តិការនេះសម្រេចបានលទ្ធផលជាផ្លែផ្កា និងឱ្យបានឆាប់រហ័ស។ បន្ថែមពីនេះ, ឯកឧត្តមរដ្ឋមន្ត្រីក៏បានប្ដេជ្ញានៅក្នុងការជំរុញ ពង្រឹង និងពង្រីកកិច្ចសហប្រតិបត្តិការលើវិស័យកសិកម្ម និងបរិស្ថានឱ្យកាន់តែរីកចម្រើន និងរឹងមាំបន្ថែមទៀត ជាមួយសមភាគីកម្ពុជា។ ជាការឆ្លើយតប, សម្ដេចបវរធិបតីបានសម្ដែងនូវការស្វាគមន៍យ៉ាងកក់ក្ដៅចំពោះឯកឧត្តមរដ្ឋមន្ត្រីក្រសួងកសិកម្ម និងបរិស្ថានឡាវ ដែលបានដឹកនាំគណៈប្រតិភូ មកបំពេញទស្សនកិច្ចនៅកម្ពុជា នាឱកាសនេះ។ សម្ដេចបវរធិបតីក៏បានគូសបញ្ជាក់អំពីខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតកម្ពុជា-ឡាវ ព្រមទាំងបានសម្ដែងនូវការពេញចិត្ត និងសេចក្ដីរីករាយ ដែលបានឃើញនូវភាពរីកចម្រើនជាលំដាប់នៃទំនាក់ទំនង និងកិច្ចសហប្រតិបត្តិការនៃប្រទេសទាំងពីរ។ សម្ដេចបវរធិបតីបានគូសបញ្ជាក់ថា វិស័យកសិកម្ម គឺជាវិស័យអាទិភាពមួយរបស់រាជរដ្ឋាភិបាលកម្ពុជា ជាពិសេសក្នុងការធានានូវសន្តិសុខស្បៀង។ ជាមួយនឹងកត្តាទីតាំងភូមិសាស្ត្រ និង ភាពស្រដៀងគ្នារវាងកម្ពុជា-ឡាវ, សម្ដេចបវរធិបតីបានគូសបញ្ជាក់អំពីសារៈសំខាន់ និងសក្តានុពលជាច្រើនទៀត ដែលប្រទេសទាំងពីរអាចសហការជាមួយគ្នាក្នុងការពង្រឹង និងពង្រីកកិច្ចសហប្រតិបត្តិការលើវិស័យកសិកម្ម ឱ្យស្របទៅនឹងការរីកចម្រើននៃកិច្ចសហប្រតិបត្តិការដ៏ល្អលើវិស័យផ្សេងៗ ដូចជា វិស័យសន្តិសុខនិងការពារជាតិ, ថាមពល, និងពាណិជ្ជកម្ម ជាដើម។ មុននឹងបញ្ចប់, សម្ដេចបវរធិបតី បានលើកទឹកចិត្តឱ្យក្រសួងកសិកម្ម នៃប្រទេសទាំងពីរពន្លឿននូវនីតិវិធីនៅក្នុងការជំរុញកិច្ចសហប្រតិបត្តិការលើការដឹកជញ្ជូនផលិតផលកសិកម្មពីកម្ពុជា ដោយឆ្លងកាត់ប្រទេសឡាវ ឆ្ពោះទៅកាន់ប្រទេសទី៣ ហើយ សម្ដេចបវរធិបតីជឿជាក់ថាកិច្ចព្រមព្រៀងនៃកិច្ចសហប្រតិបត្តិការនេះ នឹងផ្តល់ផលប្រយោជន៍ទៅវិញទៅមកសម្រាប់ប្រជាជន នៃប្រទេសទាំងពីរ៕

កម្ពុជា-ឡាវ ឯកភាពជំរុញកិច្ចសហប្រតិបត្តិការដឹកជញ្ជូនផលិតផលកសិកម្មពីកម្ពុជា ឆ្លងកាត់ប្រទេសឡាវ ឆ្ពោះទៅកាន់ប្រទេសទី៣ នាព្រឹកថ្ងៃទី២…

ដោយសុខ សិទ្ធិ -

ឯកឧត្តមឧបនាយករដ្ឋមន្ដ្រី ហ៊ុន ម៉ានី កោតសរសើរ និងវាយតម្លៃខ្ពស់ចំពោះរដ្ឋបាលខេត្តកំពង់ស្ពឺ ដែលបានបំពេញតួនាទី ភារកិច្ចបម្រើសេវាសាធារណៈ និងការខិតខំដោះស្រាយរាល់បញ្ហាទុក្ខកង្វល់ ជូនប្រជាពលរដ្ឋប្រកបដោយស្មារតីទទួលខុសត្រូវខ្ពស់ AKP កំពង់ស្ពឺ៖ ថ្ងៃទី១៥ ខែមករា ឆ្នាំ២០២៥-- នៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តកំពង់ស្ពឺ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានកោតសរសើរ និងវាយតម្លៃខ្ពស់ចំពោះរដ្ឋបាលខេត្ត ក្រុង ស្រុក និងមន្ទីរ អង្គភាពជុំវិញខេត្ត ព្រមទាំងកម្លាំងប្រដាប់អាវុធទាំងអស់ ដែលបានបំពេញតួនាទី ភារកិច្ចបម្រើសេវាសាធារណៈ និងការខិតខំដោះស្រាយរាល់បញ្ហាទុក្ខកង្វល់ ជូនប្រជាពលរដ្ឋប្រកបដោយស្មារតីទទួលខុសត្រូវខ្ពស់។ ក្រោយបានស្ដាប់របាយការណ៍សន្និបាតប្រចាំឆ្នាំរបស់រដ្ឋបាលខេត្តកំពង់ស្ពឺ ឯកឧត្តមឧបនាយករដ្ឋមន្ត្រី ហ៊ុន ម៉ានី ក្នុងនាម សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងក្នុងនាមឯកឧត្តមផ្ទាល់ ឯកឧត្តមបានកោតសរសើរ និងវាយតម្លៃខ្ពស់ចំពោះថ្នាក់ដឹកនាំខេត្ត ក្រុង ស្រុក មន្ទីរ អង្គភាព មន្រ្តីរាជការ និងកងកម្លាំងប្រដាប់អាវុធគ្រប់លំដាប់ថ្នាក់នៃខេត្តកំពង់ស្ពឺ ដែលបានខិតខំប្រឹងប្រែងលះបង់កម្លាំងកាយចិត្តបំពេញតួនាទី ភារកិច្ចរបស់ខ្លួនបានយ៉ាងល្អ និងប្រកបដោយការទទួលខុសត្រូវ រហូតសម្រេចបានសមិទ្ធផលនានាជាច្រើនដូចដែលបានឆ្លុះបញ្ចាំងនៅក្នុងរបាយការណ៍បូកសរុបលទ្ធផលការងារ ប្រចាំឆ្នាំ២០២៥ របស់រដ្ឋបាលខេត្ត។ ទន្ទឹមនេះផងដែរ ក្រៅពីកិច្ចខិតខំប្រឹងប្រែងដោះស្រាយបញ្ហាប្រឈមថ្មីៗ ដែលកំពុងកើតមានឡើងចំពោះមុខ ឯកឧត្តមឧបនាយករដ្ឋមន្ត្រី ក៏បានលើកឡើងដោយសង្ខេបនូវសមិទ្ធផលសំខាន់ៗរបស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដ៏ឈ្លាសវៃ និងប៉ិនប្រសព្វរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងរយៈពេលជាង ២ឆ្នាំកន្លះកន្លងមកនេះ ជូនដល់អង្គសន្និបាតផងដែរ រួមមាន៖ (១)ការរក្សាបានស្ថិរភាពនយោបាយ ខឿនឯករាជ្យ និងកិច្ចការពារអធិបតេយ្យ និងបូរណភាពទឹកដី ព្រមទាំងការពារបានយ៉ាងគត់ម៉ត់នូវសន្តិសុខ សណ្តាប់ធ្នាប់សាធារណៈ និងសុវត្ថិភាពក្នុងសង្គមទាំងមូល, (២)ដឹកនាំដំណើរការប្រជាធិបតេយ្យ និងនីតិរដ្ឋឱ្យប្រព្រឹត្តទៅដោយរលូនលើមាគ៌ា ដ៏ត្រឹមត្រូវ ស្របតាមបរិបទសង្គមកម្ពុជា, (៣)បាន និងកំពុងអនុវត្តយ៉ាងសកម្មប្រកបដោយផ្លែផ្កានូវកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ព្រមទាំងបានដាក់ចេញនូវគោលនយោបាយអាទិភាព និងវិធានការគន្លឹះនានាតាមវិស័យ, (៤)បានបង្កើនកម្រិតប្រាក់បៀវត្សជូនកងកម្លាំងប្រដាប់អាវុធ និងមន្ត្រីរាជការ ដើម្បីលើកកម្ពស់ជីវភាពរស់នៅ និងលើកកម្ពស់ប្រសិទ្ធភាពការងារ, (៥)បានជំរុញកំណើនវិនិយោគទាំងក្នុងស្រុក និងក្រៅប្រទេសដែលបានជួយបង្កើតការងារជាច្រើនកន្លែងជូនបងប្អូនប្រជាពលរដ្ឋខ្មែរ, (៦)ការកែទម្រង់ និងអភិបាលកិច្ចដែលជាស្នូលនៃយុទ្ធសាស្ត្របញ្ចកោណ ត្រូវបានយកចិត្តទុកដាក់ជំរុញអនុវត្ត ស្របតាមអភិក្រម “ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់”, (៧)ការធ្វើជាម្ចាស់ផ្ទះរៀបចំព្រឹត្តិការណ៍អន្តរជាតិធំៗជាច្រើន បានប្រព្រឹត្តទៅដោយរលូនប្រកបដោយជោគជ័យដែលបានលើកមុខមាត់កម្ពុជាលើឆាកអន្តរជាតិ, (៨)ការសាងសង់ដោយជោគជ័យ និងសម្ពោធដាក់ឱ្យប្រើប្រាស់នូវ ព្រលានយន្តហោះ អន្តរជាតិតេជោ ដែលជាសមិទ្ធផលដ៏ធំធេងក្នុងប្រវត្តិសាស្ត្រកម្ពុជា។ ក្រៅពីសមិទ្ធផលធំៗខាងលើនេះ ក៏នៅមានសមិទ្ធផលនានាជាច្រើនទៀតដែលរាជរដ្ឋាភិបាល បានខិតខំប្រឹងប្រែងសម្រេចក្នុងរយៈពេលដ៏ខ្លីនេះ។ ជាមួយគ្នានេះ ឯកឧត្តមឧបនាយករដ្ឋមន្ត្រី បានណែនាំដល់អង្គសន្និបាតទាំងមូល ត្រូវពង្រឹងវិធានការ និងយន្តការការងារនៅក្នុងការគ្រប់គ្រង និងលើកកម្ពស់ការងារ វិនិយោគ ពាណិជ្ជកម្ម ផលិតកម្ម អាជីវកម្ម មុខរបរ ការងារ ដើម្បីជំរុញការអភិវឌ្ឍមូលដ្ឋានឱ្យមានការរីកចម្រើនប្រកបដោយភាពជាម្ចាស់ មានភាពធន់ និងមានចីរភាព។ ឯកឧត្តមសង្ឃឹមជឿជាក់ថា ឯកឧត្តម លោកជំទាវ អស់លោក លោកស្រី ជាថ្នាក់ដឹកនាំ មន្ត្រីរាជការ និងកងកម្លាំងមានសមត្ថកិច្ចគ្រប់លំដាប់ថ្នាក់នៃខេត្តកំពង់ស្ពឺ នឹងយកអស់ប្រាជ្ញា ស្មារតី អនុវត្តឱ្យបានសម្រេចនូវទិសដៅការងារឆ្នាំ២០២៦នេះ ដើម្បីការអភិវឌ្ឍរីកចម្រើននៅក្នុងខេត្តកំពង់ស្ពឺជាបន្តទៀត៕ រូបថតដោយ៖ ម៉ែន ប៊ុនធីម/AKP កំពង់ស្ពឺ ‎——————

ឯកឧត្តមឧបនាយករដ្ឋមន្ដ្រី ហ៊ុន ម៉ានី កោតសរសើរ និងវាយតម្លៃខ្ពស់ចំពោះរដ្ឋបាលខេត្តកំពង់ស្ពឺ ដែលបានបំពេញតួនាទី ភារកិច្ចបម្រើសេវាសាធា…

ដោយសុខ សិទ្ធិ -

សេចក្តីប្រកាសព័ត៌មាន របស់ព្រឹទ្ធសភា ស្តីពី លទ្ធផល នៃការបន្តសម័យប្រជុំលើកទី៤ ព្រឹទ្ធសភានីតិកាលទី៥ នាថ្ងៃទី៥ ខែមករា ឆ្នាំ២០២៦។

សេចក្តីប្រកាសព័ត៌មាន របស់ព្រឹទ្ធសភា ស្តីពី លទ្ធផល នៃការបន្តសម័យប្រជុំលើកទី៤ ព្រឹទ្ធសភានីតិកាលទី៥ នាថ្ងៃទី៥ ខែមករា ឆ្នាំ២០២៦។

ដោយសុខ សិទ្ធិ -

‎ឯកឧត្តមបណ្ឌិត អភិបាលខេត្ត បន្តចុះសួរសុខទុក្ខ និងនាំយកអំណោយមហាគ្រួសារកំពង់ស្ពីចែកជូនជនភៀសសឹកចំនួន២,០០០គ្រួសារ នៅខេត្តឧត្តរមានជ័យ និងខេត្តបន្ទាយមានជ័យ ‎ AKP ‎កំពង់ស្ពឺ៖ ថ្ងៃទី០២ ខែមករា ឆ្នាំ២០២៦-- ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ និង លោកជំទាវ ម៉េង វ៉ាន់ដានីន បានដឹកនាំប្រតិភូអមដំណើរ ចុះសួរសុខទុក្ខ និងនាំយកអំណោយមហាគ្រួសារកំពង់ស្ពី ទៅចែកជូនដល់បងប្អូនប្រជាពលរដ្ឋដែលជាជនភៀសសឹកសរុបចំនួន ២,០០០គ្រួសារ ដែលកំពុងស្នាក់នៅបណ្តោះអាសន្ន ក្នុងទឹកដីខេត្តឧត្តរមានជ័យ និងខេត្តបន្ទាយមានជ័យ ។ ‎ ‎ឯកឧត្តមបណ្ឌិត ជាម ច័ន្ទសោភ័ណ បានពាំនាំនូវប្រសាសន៍សួរសុខទុក្ខយ៉ាងមុតមាំពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ហ៊ុន ម៉ានី ឧបគ្គនាយករដ្ឋមន្ត្រី រដ្ឋមន្ត្រីក្រសួងមុខងារ និងសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ ដែលជានិច្ចកាល សម្តេចតែងតែយកចិត្តទុកដាក់ខ្ពស់ចំពោះសុខទុក្ខ និងការរស់នៅរបស់បងប្អូនប្រជាពលរដ្ឋគ្រប់កាលៈទេសៈ ដោយមិនទុកឱ្យពលរដ្ឋណាម្នាក់ស្លាប់ដោយអត់អាហារដោយយើងមិនបានដឹង និងមិនបានជួយដោះស្រាយនោះឡើយ។ ‎ ‎ឯកឧត្តមបណ្ឌិត មានប្រសាសន៍បន្ថែមថា ទោះបីជាបងប្អូនកំពុងជួបការលំបាកដោយសារភៀសខ្លួនពីសង្គ្រាម ឬជម្លោះក៏ដោយ សូមបងប្អូនរក្សានូវក្តីសង្ឃឹម និងសាមគ្គីភាពគ្នា។ រាជរដ្ឋាភិបាល ក៏ដូចជាអាជ្ញាធរគ្រប់លំដាប់ថ្នាក់ នឹងនៅក្បែរបងប្អូនជានិច្ច ដើម្បីផ្តល់ការគាំពារទាំងផ្នែកស្បៀងអាហារ សុខភាព និងសុវត្ថិភាព រហូតដល់ស្ថានភាពមានភាពល្អប្រសើរឡើងវិញ។ ‎ ‎ក្នុងឱកាសនោះ ឯកឧត្តមបានអំពាវនាវ និងបានជម្រាបជូនបងប្អូនថា បច្ចុប្បន្ននេះ ខេត្តកំពង់ស្ពឺរបស់យើងកំពុងមានការអភិវឌ្ឍយ៉ាងខ្លាំងលើវិស័យឧស្សាហកម្ម ដែលក្នុងនោះមានរោងចក្រ សហគ្រាសជាច្រើនកំពុងដំណើរការ និងត្រូវការកម្លាំងពលកម្មបន្ថែម។អាស្រ័យហេតុនេះ ចំពោះបងប្អូនដែលមានកាយសម្បទាមាំមួន ហើយមិនទាន់មានការងារធ្វើពិតប្រាកដ បងប្អូនអាចទៅស្វែងរកការងារធ្វើនៅតាមបណ្តារោងចក្រក្នុងខេត្តកំពង់ស្ពឺបាន ដែលបច្ចុប្បន្នយើងនៅខ្វះខាតកម្មករ កម្មការិនី រហូតដល់រាប់ម៉ឺននាក់បន្ថែមទៀត។ ‎ ឯកឧត្តមបណ្ឌិតបានសង្កត់ធ្ងន់ថា ការធ្វើចំណាកស្រុកដើម្បីស្វែងរកការងារធ្វើក្នុងស្រុក គឺជាជម្រើសដ៏ល្អប្រសើរ ដែលផ្តល់នូវចំណូលស្ថិរភាព មានច្បាប់ការពារត្រឹមត្រូវ និងនៅជិតក្រុមគ្រួសារ ជៀសជាងការធ្វើចំណាកស្រុកដោយប្រថុយប្រថាន។ ឯកឧត្តមក៏បានចាត់ឱ្យក្រុមការងារត្រៀមសម្របសម្រួល និងផ្តល់ព័ត៌មានលម្អិតអំពីឱកាសការងារទាំងនោះ ដល់បងប្អូនណាដែលមានបំណងចង់ទៅបម្រើការងារនៅក្នុងខេត្តកំពង់ស្ពឺផងដែរ។ រូបថតដោយ៖ ម៉ែន ប៊ុនធីម/AKP កំពង់ស្ពឺ —————— Contact With មន្ទីរព័ត៌មានខេត្តកំពង់ស្ពឺ

‎ឯកឧត្តមបណ្ឌិត អភិបាលខេត្ត បន្តចុះសួរសុខទុក្ខ និងនាំយកអំណោយមហាគ្រួសារកំពង់ស្ពីចែកជូនជនភៀសសឹកចំនួន២,០០០គ្រួសារ នៅខេត្តឧត្តរមានជ័…

ដោយសុខ សិទ្ធិ -
Load More
That is All