លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា និង សហការី បានអញ្ជើញចុះសួរសុខទុក្ខ និង នាំអំណោយរបស់ លោក ចាន់ តារា អភិបាលក្រុងអរិយក្សត្រ ជូនលោកយាយ លោកតាចាស់ៗ

លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា និង សហការី បានអញ្ជើញចុះសួរសុខទុក្ខ និង នាំអំណោយរបស់ លោក ចាន់ តារា អភិបាលក្រុងអរិយក្សត្រ ជូនលោកយាយ លោកតាចាស់ៗ ដែលកំពុងមានជីវភាពខ្វះខាត ចំនួន៤គ្រួសារ រស់នៅក្នុង សង្កាត់ព្រែកអំពិល ក្រុងអរិយក្សត្រ ខេត្តកណ្តាល នាល្ងាច ថ្ងៃទី២៦ ខែវិច្ឆិកា ឆ្នាំ២០២៥។

សូមជម្រាបថា គ្រួសារទាំង៤ ដែលបានទទួលអំណោយ គឺ៖
១. លោកយាយ ស ខ្មៅ អាយុ  ៩០ឆ្នាំ នៅភូមិព្រែកដូនហែម
២. លោកតា ស ណន អាយុ៨០ឆ្នាំ នៅភូមិព្រែកដូនហែម
៣. លោកយោយ ផល កយ អាយុ៧៣ឆ្នាំ នៅភូមិព្រែកដូនហែម
៤.លោកតា ថោង សំអាត អាយុ៧៨ឆ្នាំ គ្រូចូលនិវត្តន៍ រស់នៅភូមិព្រែកក្របៅទី៣ ហើយ៤គ្រួសារខាងលើនេះ ស្ថិតនៅសង្កាត់ព្រែកអំពិល ក្រុងអរិយក្សត្រនៃខេត្តកណ្តាល។

អំណោយដែលបានប្រគល់ជូន គ្រួសារនីមួយៗរួមមាន៖
១.អង្ករ ចំនួន២៥គីឡូ
២.មីជាតិ១កេស
៣.ទឹកត្រីនិងទឹកស៊ីអិវ ២យួរ
៤.ថវិកា ២០,០០០រៀល

លោកយាយតាទាំងបួនគ្រួសារ បង្ហាញក្តីសប្បាយរីករាយ និង សូមថ្លែងអំណរគុណ ថែមទាំងជូនពរ លោក ទេស វិបុល និង សហការី និង លោក ចាន់ តារា អភិបាលក្រុងរិយក្សត្រ៕